tg-me.com/HHa19789/776
Last Update:
عله گطب الحزن أمسه الفلك يفتر
بالسم گضه الصــادق والحــزن أثر
ــــــــــــــــــــــــــــــــــــــ
بالسم منضهد وإبروحه ظــل إيجود
عله إفراش ألأجل متوسد إو ممدود
يعـــالــج والچبد متگطـــع إو ممرود
إو ما يرجه الحياة الگلبه يتفطر
ــــــــــــــــــــــــــــــــــــــ
تفـــطـــر گلبه من سم اليـــذوب الــروح
چني إبعــالــم العلــــوي إويصيح الـروح
إبگلب الصادق إمن السم چثيره إجروح
إونزيف الـدم جمر يتلاهب إو يسعر
ــــــــــــــــــــــــــــــــــــــ
يسعر جــمـــر لهــاب إو تشب ناره
إبگلب الصادق السم تگطع أشفـاره
تگطع وصــــل گلبه إو ما إله چاره
إمن السم اليفسر الصاد والمرمر
ـــــــــــــــــــــــــــــــــــــ
يفسر الصــاد سم أهـــل الغـــدر جراح
إو إله شفره تگـص الگــلــب والسبـاح
جرع هالسم أبو الكاظم إو چي يرتاح
إيتغير والفلك لمصابه يتغير
ــــــــــــــــــــــــــــــــــــــ
الفلك يتغير إو يندهش وضع الكـون
إو ليالـــي النايبه متنــام بيها إعيون
مسهره لبو الكــاظــم والگلب چانون
يسعر والچبد لمصابه يتمرمر
ــــــــــــــــــــــــــــــــــــــ
يتمرمر دليل الـــدين لمــصـــابه
آ يا جمـــرة الصـــادق اللــهـــابه
من گوس المنايه إورشگ نشابه
إعيون الدين وأهله إدموم تتفجر
ــــــــــــــــــــــــــــــــــــــ
تتفجر إعيـــون الدين وألأحكام
من گوس المنايه الصابهن بسهام
وإليتم الكــــاظـم يتم ألإســــلام
الصرف عمره إعله هذا الدين وإتعمر
ــــــــــــــــــــــــــــــــــــــ
صرف عالدين عمره إو ضحه بوجوده
نشر شرع الديانه إو حــافظ إحـدوده
رماه الـــدهــر سهمه إو گصـر مجهوده
گطع حبل الدرس وإتيتم المنبر
ــــــــــــــــــــــــــــــــــــــ
إتيتم منبر الـچــان إبحياته إينور
بالصـادق إو علمه النظم الدستور
راح الصادق إو ظل العلم مجمور
وإبصدر الشرع عبراته تتكسر
ــــــــــــــــــــــــــــــــــــــ
تتكسر العبــرات إو تفيـض العين
و إتنوح المدارس فاجده التبيين
إبنور الصــادق إتنور سماء الدين
إو بالكاظم ينور إو بعد يتنور
للشاعر المرحوم
كاظم المنظور الكربلائي
#اللهم_عجل_لوليك_الفرج
(24)
BY تراث القصائد الحسينية
Warning: Undefined variable $i in /var/www/tg-me/post.php on line 280
Share with your friend now:
tg-me.com/HHa19789/776